స్టార్ హీరోలు శివతాండవం చేస్తున్నారు. మొన్న చిరంజీవి.. నిన్న మహేష్‌, పవన్‌, ఇప్పుడు అల్లుఅర్జున్ తమ సినిమాల్లో శివ నామస్మరణ వినిపిస్తున్నారు. తాజాగా నాగార్జున శివ నామస్మరణతో డమరుకం మోగించబోతున్నాడు.
శివుని పాటలు స్టార్ హీరోల సినిమాలకు కొత్త జోష్‌ తీసుకువస్తున్నాయి. మెగాస్టార్‌ చిరంజీవి నటించిన ఇంద్రలో శివుని పాట ఉంది. భం భం భోలే అంటూ వారణాసిలో జోరుగా ఆడిపాడాడు మెగాస్టార్‌.
ప్రిన్స్‌ మహేష్‌ కూడా తన సినిమాలో శివుని పాట పెట్టుకున్నాడు. సదా శివ అంటూ సాగే ఖలేజాలోని సాంగ్‌ సినిమాకే హైలెట్‌గా నిలిచింది.
ఇటీవల వచ్చిన పవన్‌ కళ్యాణ్‌ తీన్‌మార్‌లోనూ శివుని సాంగ్‌ ఉంది. జగమేలు శివశంకరా.. అంటూ శివున్ని తలుచుకున్నాడు పవర్‌స్టార్‌.
ఇక బద్రినాథ్‌లోనూ ఓం కారేశ్వరీ అంటూ ఓ భక్తిగీతం ఉంది. బద్రినాథ్‌ నేపథ్యంలో సాగిన ఈ పాటలో అల్లుఅర్జున్ జోష్‌గా స్టెప్పులేశాడు.
ఇక నాగార్జున తన కొత్త సినిమా డమరుకంలో కూడా శివుని సాంగ్‌ పెట్టబోతున్నారట. శ్రీనివాస్‌ రెడ్డి దర్శకత్వంలో రూపొందుతున్న ఈ సోషియో ఫాంటసీ చిత్రం శివుని నేపథ్యంతో సాగనుందని తెలుస్తోంది.
ఇలా శివుని పాటలపై టాలీవుడ్‌ స్టార్ హీరోలు మోజు పడుతున్నారు. శివనామస్మరణ చేస్తునేవున్నారు.
good view
ReplyDelete