ఇప్పుడు అందరి దృష్టి సూపర్స్టార్ రజినీకాంత్‌పైనే. ఆయన ఆరోగ్యం ఇప్పటికీ అలాగే ఉందా? కొత్త సినిమా 'రాణా' షూటింగ్కు ఆయన ఆరోగ్యం అడ్డంకిగా మారిందా? అసలు ఇప్పట్లో రజినీ సినిమా లేనట్లేనా?
సూపర్స్టార్ రజనీకాంత్ అనారోగ్యం కారణంగా.. ఆయన కొత్త సినిమా రాణా చిక్కుల్లో పడే అవకాశం ఉందని పరిశ్రమ వర్గాలు అంటున్నాయి. రజనీ అనారోగ్యం కారణంగా రాణా మూవీ షూటింగ్ అనుకున్న షెడ్యూల్ ప్రకారం జరగడం లేదు. కొద్ది రోజులు అనారోగ్యం కారణంగా చెన్నైలోని ఓ ఆస్పత్రిలో చికిత్స పొంది డిశ్చార్జ్ అయ్యారు రజినీ. అనారోగ్యం నుంచి రజనీ కోలుకుంటున్నప్పటికీ, షూటింగ్‌లో ఇప్పుడే పాల్గొనకూడదని డాక్టర్లు చెప్పినట్టు తెలుస్తోంది. అంతేకాదు అతడిని అమెరికాలోని స్పెషలిస్ట్‌లకు డాక్టర్లు సూచించినట్లు సమాచారం. ఈ మేరకు ఆయన రజినీ ఫ్యామిలీ డాక్టర్లతో చర్చిస్తున్నట్లు తెలుస్తోంది.
చికిత్సకోసం రజనీ త్వరలోనే అమెరికాకు వెళ్లే అవకాశాలు కూడా ఉన్నాయంటున్నారు. ఫలితంగా రాణా షెడ్యూల్ మరింత ఆలస్యం అయ్యే అవకాశం ఉందని యూనిట్ భావిస్తోంది.
ప్రతిష్టాత్మకంగా మొదలు పెట్టిన రాణా సినిమాలో రజనీ మూడు గెటప్పుల్లో నటిస్తున్నాడు. అందులో ఓ పాత్ర పవర్‌ఫుల్‌గా ఉంటుంది. ఆ రోల్ చేయాలంటే ఎంతో ఫిజికల్ ఎనర్జీ కావాలి. ఈ నేపథ్యంలో ఆ పాత్ర చేసేందుకు రజినీ ఆరోగ్యం ఎంత వరకు సహకరిస్తుందనేది ఇప్పుడు అందరిని వేధిస్తున్న ప్రశ్న.
రాణా షూటింగ్ ప్రారంభమైన తొలి రోజే రజినీ అస్వస్థతకు గురయ్యాడు. కోలుకున్న కొద్ది రోజులకే మళ్లీ అదే పరిస్థితి. అసలు రాణా సినిమాకే రజినీ ఆరోగ్యం ఎందుకు ఇలా ఇబ్బంది పెడుతోంది? అప్పుడు అందరికి వస్తున్న డౌట్‌ ఇదే. రజినీ చేస్తున్న మూడు గెటప్పుల్లో ఒకటి యువకుని పాత్ర. ఆ పాత్ర కోసం రజినీ ఏకంగా పదిహేను కిలోలు తగ్గాల్సి వచ్చిందట. 75 కిలోలు ఉన్న రజినీ 60 కిలోలకు చేరాడంట. ఇదే ఆయన ఆరోగ్యానికి అసలు కారణంగా తెలుస్తోంది.
మరి ఈ పరిణామాల నేపథ్యంలో రాణా షూటింగ్కు తాత్కలికంగా బ్రేక్‌ పడే అవకాశాలున్నాయని చెన్నై ఫిల్మ్ వర్గాలు భావిస్తున్నాయి. సూపర్స్టార్ త్వరగా కోలుకుని మరింతా ఉత్సాహంగా సినిమా పూర్తిచేయాలని ఆయన అభిమానులు పూజలు చేస్తున్నారు. 'రోబో' కంటే రాణాతో మరింతా తమను అలరిస్తాడని సూపర్స్టార్ ఫ్యాన్స్ కాన్ఫిడెంట్‌గా ఉన్నారు.
No comments:
Post a Comment