బంగారం భారీగా తగ్గబోతోందా..?

అడ్డు అదుపు లేకుండా దూసుకుపోయిన బంగారం ధర ఇప్పుడు క్రమంగా తగ్గుతూ వస్తోంది. శుక్రవారం మార్కెట్లో 24క్యారెట్ల బంగారం గ్రాము ధర 29,200 ఉండగా, ఒక్కరోజులో సుమారు 1000 రూపాయలు తగ్గిన బంగారం ధర ఇవాళ(శనివారం) 28వేల 100 రూపాయలుకు తగ్గింది. రెండేళ్ల కిందటి స్థాయి ధరకు వచ్చేసింది. వెండి సైతం పుత్తడిబాటే పట్టింది. ఒక్కరోజులోనే 2వేల రూపాయలు పడిపోయింది. బంగారం ధరలు ఈ స్థాయికి పడిపోవడం 2011 ఏప్రిల్‌ తర్వాత ఇదే తొలిసారి.

అందుకే పతనం..
బంగారం ధరలు ఇలా పడిపోవడానికి గల కారణాలను నిపుణులు విశ్లేషిస్తున్నారు. అమెరికా ఆర్థిక వ్యవస్థ పుంజుకుంటున్న సంకేతాలు స్పష్టంకావడం, యూరప్‌లో సంక్షోభాన్ని ఎదుర్కొంటున్న సైప్రస్ దేశం తనదగ్గరున్న బంగారం నిల్వల్ని విక్రయించే ఉద్దేశ్యాన్ని వెల్లడించడం పుత్తడి పతనానికి కారణాలుగా బులియన్ ట్రేడర్లు చెపుతున్నారు. అమెరికా ఆర్థిక వ్యవస్థ మెరుగుపడుతోందన్న సంకేతాలతో ఇతర ప్రపంచ ప్రధాన కరెన్సీలతో పోలిస్తే డాలరు ధర బలపడుతూవస్తోంది. దాంతో బంగారం నుంచి డాలరు పెట్టుబడులు స్టాక్ మార్కెట్లోకి మళ్లుతున్నాయని, దాంతో పుత్తడి ధర పడిపోతున్నదని ట్రేడర్లు అంటున్నారు.

పాతిక లోపే..?!
గత వారం రోజుల్లోనే ప్రపంచ మార్కెట్లో బంగారం ధర 100 డాలర్లవరకూ పడిపోయింది. అంతర్జాతీయంగా నెలకొన్న పరిస్థితుల్లో పుత్తడి ధర మరింత క్షీణించే అవకాశముందని మార్కెట్ విశ్లేషకులు చెబుతున్నారు.

 Full Story &..
More Latest Updates... www.drusyam.net   

•  బంగారం భారీగా తగ్గబోతోందా..?

• ‘రాణి రాణమ్మ’ అంటున్న కోడిరామకృష్ణ
• ‘దాడి’ దారెటు..?
• టాలీవుడ్ స్ర్కీన్‌పై మల్లికా ‘కోరిక’
• అంజలి వ్యవహారం వెనుక అసలు సంగతి..
• టీవీ చానల్స్ – తాజా రేటింగ్స్
• ఎన్నికల ఫలితాలు మార్చనున్న ‘ఫేస్‌బుక్’..!