ఒకప్పుడు వెండితెరను ఏలిన అందాల రాణులు... ఇప్పుడు మళ్లీ తమ యాక్టింగ్ టాలెంట్ తో ఆడియెన్స్ ముందుకు వస్తున్నారు. మ్యారేజ్ తర్వాత కెరీర్ కు గ్యాప్ ఇచ్చిన మాధురి దీక్షిత్... అజనాచ్లే (Aaja Nachle) సినిమాతో రీఎంట్రీ ఇచ్చింది. అయితే రీఎంట్రీ అదిరిపోతుందనుకున్న మాధురికి నిరాశే కలిగింది. సెకండ్ ఇన్నింగ్స్ లో దేద్ ఇష్కియా, గులాబ్ గ్యాంగ్ వంటి సినిమాల్లో నటిస్తున్నా బాలీవుడ్ లో ఒకప్పుడు ఉన్న క్రేజీని మళ్లీ అందుకోలేకపోతోంది. మ్యారేజ్ లైఫ్ తర్వాత సినిమాలకు బై బై చెప్పిన కరిష్మా కపూర్ కూడా సెకండ్ ఇన్నింగ్స్ మొదలు పెట్టింది. ఈ ఏడాది ఆమె నటించిన డేంజరస్ ఇష్క్... తో ప్రేక్షకులను మెప్పించలేకపోయింది.
కొద్ది రోజుల క్రితం పూరీ దర్శకత్వంలో అమితాబ్ నటించిన బుడ్డా హోగా తేరా బాప్ సినిమాలో నటించింది ఒకప్పటి బ్యూటీ రవీనా టాండన్. ఆ తర్వాత శోభనాస్ సెవెన్ నైట్స్ అనే సినిమాలోనూ యాక్ట్ చేసింది. ఇక ఒకప్పుడు స్టార్ హీరోయిన్ గా కొనసాగిన జూహీచావ్లా మర్యాదరామన్న బాలీవుడ్ రీమేక్ సన్నాఫ్ సర్థార్ లో కీలక పాత్రలో కనిపించబోతోంది. వరుసగా సినిమాలకు రెడీ అవుతున్న జూహీచావ్లా సెకండ్ ఇన్నింగ్స్ కు పెద్దగా క్రేజీ రావడం లేదని చెప్పవచ్చు.
ఒకప్పుడు తమ అందచందాలతో ఆడియెన్స్ ను చూపుతిప్పుకోకుండా చేసిన ఈ తారలు... ఈ సారి పెర్ఫామెన్స్ తోనూ మెప్పించలేకపోతున్నారు. అయితే ఇదే టైమ్ లో వచ్చిన శ్రీదేవి మాత్రం ఊహించని అద్భుతం సాధించింది. వెటరన్ బ్యూటీలంతా ఇంతే.. అని అనుకుంటున్న వారందరిని తన సినిమాతో ఒక్కసారిగా ఆశ్చర్యపరిచింది. అదిరిపోయే యాక్టింగ్ తో శ్రీదేవి చేసిన ఇంగ్లీష్-వింగ్లీష్ విడుదలైన అన్నిభాషల్లోనూ కేక పుట్టిస్తోంది.
పదిహేనేళ్ల తర్వాత రీ ఎంట్రీ ఇస్తున్న శ్రీదేవి ఎలా మెప్పిస్తుందో అన్న సందేహాలకు ఇంగ్లీష్-వింగ్లీష్ సినిమాతో సమాధానం చెప్పింది. తోటి వెటరన్ బ్యూటీలకు సాధ్యం కానీ పనిని సులువుగా సాధించింది. సెకండ్ ఇన్నింగ్స్ స్టార్టింగ్ అదరిపోయింది. మరి మున్ముందు శ్రీదేవి ఎలాంటి పాత్రలతో వస్తుందోనని ఆడియన్స్ ఆసక్తిగా ఎదురుచూస్తున్నారు.
more news updates
No comments:
Post a Comment