మాస్ రాజా రవితేజ సినిమాలపై ఇతర భాషల మూవీ మేకర్స్ మోజు పడుతున్నారు. దాంతో రవితేజ సినిమాలు వరుసగా రీమేక్ అవుతున్నాయి. రవితేజ హిట్ మూవీ విక్రమార్కుడు చిత్రం హిందీలో రౌడీరాథోర్ టైటిల్ తో రీమేక్ అవుతోంది. ప్రభుదేవా దర్శకత్వంలో అక్షయ్ కుమార్ హీరోగా చేస్తున్నాడు. విడుదలకు ముందే బాలీవుడ్ ఈ మూవీ భారీ అంచనాలు తీసుకువస్తోంది.
ఇక రవితేజ నటించిన మరో సినిమా కిక్ పై కూడా ఇతర భాషల వారి కన్నుపడింది. రవితేజ, ఇలియానా కాంబినేషన్ లో సురేంద్ర రెడ్డి రూపొందించిన కిక్ తెలుగులో సూపర్ హిట్టయింది. ఈ సినిమాలో రవితేజ యాక్టింగ్ అదిరిపోయింది. ఈ సినిమా ఇప్పుడు కన్నడంలో రీమేక్ అవుతోంది. కన్నడ రీమేక్ లో ఇంద్రజిత్ లోకేష్ దర్శకత్వంలో ఉపేంద్ర హీరోగా నటించటానికి రెడీ అవుతున్నాడు. గతంలో ఉపేంద్ర-ఇంద్రజిత్ కాంబినేషన్లో ఐశ్వర్య అనే సినిమా వచ్చింది. ఇది తెలుగులో నాగార్జున నటించిన మన్మథుడు రీమేక్ గా రూపొందించారు. ఈ సినిమా కూడా అక్కడ మంచి విజయం సాధించింది. అలాగే గతంలో రవితేజ చేసిన కృష్ణ సినిమా రీమేక్ లో కూడా హీరోగా ఉపేంద్ర చేశాడు. అదే సినిమాను తెలుగులో రజినీ ఫ్రం రాజమండ్రి పేరుతో తెలుగులోకి డబ్ చేశారు.
ఇక ప్రస్తుతం ఉపేంద్ర మంచి జోష్ మీదున్నాడు. ఉపేంద్ర లేటెస్ట్ మూవీ కఠారి వీర..సుర సుందరాంగి హిట్ టాక్ సొంతం చేసుకుంది. కన్నడ మొదటి త్రీడీ గా రూపొందిన ఈ చిత్రం రొమాంటిక్ ఫాంటసీ గా చెప్తున్నారు. మంచి జోష్ మీదున్న ఉపేంద్ర మరోసారి రవితేజ కిక్ సినిమాతో మరో హిట్ కొట్టాలని భావిస్తున్నాడు.
drusyam.net
No comments:
Post a Comment